Европската унија ќе ги преоцени своите односи со Египет во следните денови, соопштија светските новински агенции. Во заедничкото соопштение на претседателот на ЕУ, Херман ван Ромпуј, и претседателот на Европската комисија, Жозе Мануел Барозо, ги повикуваат сите страни во Египет да покажат воздржаност и да ја спречат ескалацијата на насилството. Во соопштението е наведено дека ЕУ во следните денови итно ќе ги преразгледа своите односи со Египет и ќе приземе мерки за постигнување на овие цели. Над 750 луѓе загинаа за 4 дена во Каиро во судирите на безбедносните сили и подржувачите на соборениот претседател Мухамед Морси.