Градоначалникот на општина Центар Андреј Жерновски го предаде првиот дел од извештајот од извршената ревизија за проектот Скопје 2014 во Јавното обвинителство. Во овој документ постојат сериозни индиции за незаконско работење, што претставува основа за постапување од обвинителтвото, рече градоначалникот додавајки дека во целото незаконско работење не треба да се гледа само вина од локалната власт. „Гледаме длабока инволвираност на централната власт, посебно министерството за култура“ изјави Жерновски.