Јапонскиот министер за финансии Таро Асо ја повлече неговата изјава дадена деновиве дека Јапонија би требало да го следи нацистичкиот пример и тајно да го смени уставот, пред другите да го сфатат тоа. Станува збор за промена со која на јапонската војска ќе и се дадат поголеми овластувања. Оваа изјава на Асо кој е и вицепремиер предизвика бран критики дома, но и во Јужна Кореа каде што се оценува дека Јапонија не ја научила лекцијата од нејзиното милитаристичко минато.
