Властите во северозападниот дел на Пакистан соопштија дека бројот на жртвите од вчерашните двојни бомбашки напади се искачи на најмалку 53, а повеќе од 180 се повредени. Експлозиите се случија на ноќен пазар во Парачинар, главниот град на племенската област Курам, на пакистанско-авганистанската граница. Двете експлозии се случиле во време кога луѓето пазарувале храна за своите вечерни оброци. Пакистанските власти соопштија дека нападите биле извршени од страна на бомбаши-самоубијци на мотоцикли.