Над 200 луѓе биле уапсени во Москва за време на протестите против затворањето на опозиционерот Алексеј Навални, кој вчера беше осуден за проневера и доби казна затвор од 5 години. Актвисти за човекови права соопштија денеска дека неколку илјади луѓе демонстрираа вчера пред Кремљ и оти до денеска претпладне биле уапсени 209 лица. Московската полиција соопшти дека протестот не бил најавен, а демонстрантите биле агресивни, но не прецизира колку лица се уапсени. Против пресудата за Навални, вчера имаше протести и во Санкт Петерсбург.