Судот во Москва го прогласи за виновен, починатиот адвокат Сергеј Магнитцки, за даночно затајување. Магнитцки, кој работеше за инвестицискиот фонд Ермитаж капитал, почина во затвор во 2009-та година, откако бил претепан. Ова е прв пат во Русија да биде суден мртов човек. Неговата смрт предизвика остри реакции во светот, а Соединетите Држави воведоа санкции против лицата инволвирани во тој случај. Судот во Москва денеска, исто така, го прогласи за виновен и основачот на Ермитаж капитал, Вилијам Броудер, за даночно затајување и му одреди казна затвор од 9 години.