Владина економска делегација, предводена од заменик-претседателот на Владата задолжен за економски прашања, Владимир Пешевски, денеска во рамки на економска посета на Париз на бизнис форум ги презентираше условите за водење бизнис во Македонија. Како што соопшти кабинетот на Пешевски, за време на форумот вицепремиерот во презентацијата се осврнал кон придобивките за странските компании како што се пристапот до 660 милиони потрошувачи обезбеден преку договорите за слободна трговија, како и нискиот даночен пакет.
