Вршителот на претседателската должност во Египет Ади Мансоур нареди распуштање на парламентот во земјата. Државната телевизија дополнително јави дека бил избран и нов претседателски советник, во услови на немири во Каиро и други градови. Медиумите јавуваат дека одекнале истрели кон толпата која маршира за подршка на соборениот претседател Морси, кој е првиот египетски лидер изгласан на демократски избори минатата година. За сега не се знае дали има жртви меѓу демонстрантите кои се упатиле кон воените бараки каде е притворен поранешниот шеф на државата. Војската направи кордон околу објектот но за сега не се знае кој од каде и кон кого пукал.
