Министрите за одбрана од шестте земји членки на Шангајската група за соработка се среќаваат во Киргистан. Медиумите јавуваат дека главни теми на дискусија на настанот се зајакнување на воената соработка меѓу членките на групата, посебно откако меѓународните безбедносни сили ќе го напуштат Авганистан идната година. Според киргистанскиот министер за одбрана Талајбек Омурајлиев, неговите колеги дискутираат и за современи закани како тероризам, сепаратизам и екстремизам.
