Чешкиот претседател Милош Земан го назначи својот економски советник на премиерската функција со мандат да формира експертска влада, откако последниот коалициски владен состав се распушти по корупциски скандал. Земан го назначи 52 годишниот економист Јири Риснок за нов претседател на чешката влада. Политичките партии најавија дека ќе го оспорат изборот, стравувајки дека му се доделува многу моќ на шефот на државата, и ќе бараат предвремени избори.
