Најмалку девет луѓе се убиени во одделни напади насочени кон полициски сили во северниот дел од Ирак, соопштија тамошните власти. Најсмртоносен бил нападот во Мосул каде еден бомбаш-самоубиец се разнел во близина на полициска патрола. Во тој напад загинале четири луѓе, меѓу кои и еден полицаец. Во градот Туз Кормото загинале тројца полицајци, а во градот Самара загинале двајца полицајци, а еден бил повреден. Минатиот месец, повеќе од 1.000 луѓе беа убиени во Ирак, што го прави најкрвав месев во земјата по насилството во 2006 и 2007 година.