На денешната средба меѓу претседателот на ДУИ Али Ахмети и амбасадорот на Грција во Скопје Харис Лалакос, како што соопштi оваа партија, се раговарало, меѓу другото, и за прашањето за името како единствена пречка која стои помеѓу Скопје и Брисел. Притоа, Ахмети, како што се прецизира, оценил дека страните треба храбро да дијалогираат врз последниот предлог на посредникот Метју Нимиц и да постигнат компромис со кој двете страни би биле задоволни, но оти истовремено, овој компромис би требало силно да биде помогнат и од меѓународната заедница.
