Генералниот секретар на Обединетите нации Бан ки Мун денеска во Пекинг разговараше со кинескиот претседател Си Џинпинг за Северна Кореа и Сирија, објави официјалната кинеска новинска агенција Хсинхуа. Во соопштението се наведува дека кинескиот лидер му пренесол на Бан Ки Мун дека Кина ќе ги зголеми напорите за мирно решавање на споровите во светот. Кина е единствениот сојузник на Северна Кореа, додека заедно со Русија неколку пати стави вето на резолуциите против режимот на сиријскиот претседател Башар ал Асад.
