Полицијата во Истанбул и Анкара привела најмалку 25 луѓе поради сомневање дека биле вмешани во судири во текот на антивладините протести што над две недели ја потресуваат Турција. Полицијата привелa и десетина лица кои на плоштадот Таксим во Истaнбул мирно протестирале против политиката на премиерот Реџеп Таип Ердоган. Дел од турските медиуми јавуваат дека цел на полициските приведувања биле припадници на левичарските организации.
