Двата најголеми грчки синдикати повикаа на генерален штрајк, кој треба да се одржи утре, во знак на протест на одлуката на владата за затворање на државната радио-телевизија и отпуштање на сите 2.500 вработени. Здруженија на новинари исто така организираат штрајкови со прекини на програмата и на приватните телевизии, а и некои владини коалициони партнери бараат повлекување на одлуката на владата. Портпарол на грчката влада најави за неколку месеци формирање нов јавен реадио-телевизиски сервис.