Шефот на македонската дипломатија Никола Попоски денеска во Брисел ќе присуствува на традиционалната вечера што високата претставничка за надворешна и безбедносна политика на Европската унија Кетрин Ештон ја организира за министрите за надворешни работи на земјите кандидати за членство во Унијата. Претходно, Попоски ќе има редовна работна средба со директорот на Директоратот за проширување при Европската комисија Стефано Санино.
