Владата на Косово денеска го усвои планот договорен во Брисел за имплементација на Спогодбата постигната на 19 април, кој ќе биде проследен на усвојување и во Собранието на Косово. Премиерот на Косово Хашим Тачи на седницата на Владата изјави дека Договорот е историски поради фактот дека првпат го потпишале две независни држави, Косово и Србија, со што се отвора поглавјето на мирот. Тачи рече дека со оваа спогодба Косово конечно воспоставува контрола врз целата територија на земјата.