Американскиот претседател Барак Обама вети итна помош за жртвите од големото торнадо кое го погоди предградието Мур во Оклахома. Обама го опиша торнадото како едно од најдеструктивните во историјата, иако се уште не се знае колкава точно е штетата. Властите соопштија дека најмалку 24 лица загинале. Меѓу жртвите има и деца кои биле на училиште за време на несреќата.
