Ирански дипломат изјави дека владата во Техеран го одобрила меморандумот за разбирање со Аргентина за формирање комисија која ќе го истражи бомбардирањето на еврејскиот центар во Буенос Аирес во 1994-та година, кога загинаа 85 луѓе. Според аргентинските истражители, во инцидентот биле вмешани бивши и сегашни ирански функционери, вклучувајки го и актуелниот министер за одбрана на Иран, Ахмад Вахиди. Во договорената комисија, нема да има претставници на Аргентина и на Иран.