Белата Куќа соопшти дека Соединетите Држави не бараат да имаат постојани воени бази во Авганистан и оти останувањето на извесен број американски војници во таа земја, по повлекувањето на странските трупи во 2014-та, ќе биде само на покана од властите во Авганистан. До ваквата реакција доаѓа откако авганистанскиот претседател Хамид Карзаи вчера изјави дека САД сакаат да задржат 9 воени бази во Авганистан по 2014-та.
