Американскиот претседател Барак Обама го обнови неговото ветување за затворање на американскиот затворски центар во Гуантанамо на Куба. Тој ова го изјави откако стотина затвореници почнаа штракјк со глад по што американските војници почнале присилно да ги хранат. Оваа акција на војниците според Обама била неопходна бидејќи не би сакал некој од затворениците да умре. Четириесетина медицински работници се испратени во Гуантанамо за да се справат со штрајкувачите. Центарот беше отворен во 2002 година за странци кои се осомничени за терористички акции.
