Американските републикански законодавци бараат акција од претседателот Барак Обама против владата во Сирија поради информациите дека режимот на Башар Ал Асад употребил хемиско оружје против бунтовниците. Меѓутоа, во Вашингтон и натаму има дилеми што треба да биде превземено. САД им даваат политичка и невоена помош на сиријските бунтовници и засега се воздржува од конкретна воена акција. Вашингтон објави дека веројатно сиријскиот режим во март, два пату употребил хемиско оружје, а слични информации објавија и Велика Британија, Франција, Израел и Катар со истовремено барање за акција во врска со сиријскиот конфликт.
