Силен земјотрес со јачина од 6 степени според Рихтер го погоди западниот дел на Јапонија рано утрово. Според првичните извештаи 15 лица се повредени, а некои згради се оштетени во земјотресот. Засега нема предупредување за можно цунами. Новинската агенција Кјодо објави дека нема информации ниту за евентуални штети врз нуклеарната централа во близина на областа каде се случил земјотресот.
