Американскиот државен секретар Џон Кери во почетокот на неговата посета на Јужна Кореа денеска во Сеул ја предупреди Северна Кореја да не се обидува да изврши ракетна проба, оценувајќи дека тоа би било огромна грешка. Кери во рамките на неговата турнеја планира да ги посети и Кина и Јапонија во обид да ги намали тензиите во регионот по најавите дека Пјонгјанг планира да изврши проба на балистичка ракета.
