Поранешната британска премиерка Маргарет Тачер изутрината почина од мозочен удар на 87 годишна возраст. Според нејзиниот портпарол Лорд Бел веста за смртта на Тачер ја потврдиле нејзините деца Марк и Керол. Британскиот премиер Дејвид Камерун изјави дека Британија загубила голем лидер. Таа во 1975 година стана првата претседателка на Конзервативната партија, а потоа и прва претседателка на владата на Обединетото Кралство. Функцијата ја извршуваше од 4 мај 1979 до 28 ноември 1990 година.