Портпаролката на високата преставничка на ЕУ за надворешна политика Маја Коцијанчич изјави денеска дека на вчерашните преговори во Брисел меѓу Србија и Косово бил направен голем прогрес и дека јазот меѓу двете страни е тесен. Според неа, во наредните денови Кетрин Ештон очекува преставниците на Србија и Косово да комуницираат со неа за одлуките кои ги донеле во однос на предлозите за изнаоѓање на решение. Коцијанчич потенцираше и дека засега не е во план да се одржи нов состанок.