Вељаноски-Стефановиќ:Македонија и Србија подготвени за влез во ЕУ

Претседателот на Собранието Трајко Вељаноски, кој е во дводневна посета на Србија изјави денеска дека очекува и посакува во јуни двете земји да добијат датум за преговори со ЕУ. Вељаноски истакна дека во фокусот на посетата биле добрососедските односи, кои според него се традиционално добри. Претседателот на српскиот Парламент Небојша Стефановиќ истакна дека Србија и Македонија се подготвени за почеток на преговорите за влез во ЕУ и се согласи со Вељаноски дека треба да се интензивира економската соработка меѓу двете земји.