Сиријските бунтовници денеска го освоиле стратегискиот град Даел, во близина на границата со Јордан, соопштија опозициски активисти. Притоа, имало жестоки борби во кои загинале 38 лица, вклучувајки и цивили. Градот Даел е на главниот автопат кој ја поврзува провинцијата дара со главниот град Дамаск, а неговото освојување им овозможува на бунтовниците напредување кон сиријската престолнина.