Автомобилот со кој се превезувал премиерот на Украина Микола Азаров бил завеан со снег, јавуваат тамошните медиуми. Автомобилот заглавил на пристапот кон мостот Дарнитски во Киев. Возачот на премиерот и телохранителите биле принудени со лопата да го отстрануваат снегот и да го ослободат автомобилот. Украина два дена се бори со снежната бура која го парализираше сообраќајот и предизвика прекини на електричната енергија. Метеоролозите велат дека временските услови треба да се подобрат во наредните денови.