На денешните локални избори во Македонија, како што јавува агенцијата Франс прес, се очекува висок одѕив на гласачите, при што се прецизира дека тој би можело да биде над 70 насто од милион и 700 илјади граѓани со право на глас. Агенцијата додава дека сите очи се свртени кон Струга и Кичево каде што ривалските македонски партии за прв пат во изминативе 20 години поддржуваат ист кандидат. Така е и во албанскиот политички блок во овие градови.
