Српскиот премиер Ивица Дачиќ и неговиот косовски колега Хашим Тачи денеска во Брисел ќе ја одржат седмата рунда од дијалогот со посредство на еврокомесарката за надворешни работи Кетрин Ештон. Главна тема на нивните разговори ќе биде формирањето и надлежностите на српските општини во Косово. Портпаролката на Ештон, Маја Коцијанчич изјави дека еврокомесарката вложува напори во текот на денешната средба да се постигне договор со цел „нормализација на односите“ меѓу Белград и Приштина.
