Лидерот на украинската партија Удар, Виталиј Кличко, ја повика Европската Унија да примени индивидуални санкции за оние украински претставници, кои стојат зад политички репресии, кршење на човековите права и селективна правда. Кличко во Брисел оцени дека некои Украинци ја водат земјата кон диктатура и меѓународна изолација и оти не треба сите да бидат заложници на таквите политичари. Кличко сличен предлог вчера во Вашингтон му изнесе и на американскиот заменик државен секретар Вилијам Барнс.
