Грчкиот премиер Андонис Самарас денеска попладне ќе се сретне со претставници на меѓународните кредитори на Грција, познати како „тројка“, во обид да постигнат консензус за повеќе структурни реформи, вклучувајќи ја и долго одложуваната рационализација на државната администрација. Постигнувањето консезус е предуслов за отпуштање на следната рата од заемот за спас на Грција во вредност од 2,8 милијарди евра, пред Самарас и министерот за финансии Јанис Стурнарас да заминат за Брисел каде што в четврток почнува самит на ЕУ.