Вицепремиерот задолжен за Рамковниот договор, Муса Џафери, од утре ќе престојува во дводневна посета на Брисел каде ќе оствари средби со високи преставници на ЕУ и НАТО. Џафери најпрво ќе се сретне со известувачот за Македонија во ЕП, Ричард Ховит. Потоа, со генералниот секретар на Европската служба за надворешни работи Пјер Вимонт, а попладнето е закажан и состанок со првиот човек на Директоратот за проширување во Европската комисија, Стефано Санино.
За в петок, единствено познато е дека Џафери во седиштето на НАТО ќе има билатерална средба со заменик-генералниот секретар на Алијансата, Александер Вершбоу. Темата на разговорите се претпоставува дека ќе биде спроведувањето на Рамковниот договор и исполнувањето на обврските од него во државата.
За в петок, единствено познато е дека Џафери во седиштето на НАТО ќе има билатерална средба со заменик-генералниот секретар на Алијансата, Александер Вершбоу. Темата на разговорите се претпоставува дека ќе биде спроведувањето на Рамковниот договор и исполнувањето на обврските од него во државата.