Осомничените го признале нападот врз директорот на Бољшој

Полицијата во Москва соопшти дека сите тројца осомничени признале дека учествувале во нападот врз уметничкиот директор на Бољшој театар Сергеј Филин. Балетанот Павел Дмитриченко кој бил помогнат со уште две лица истурил киселина врз лицето на Филин, при што тој се здобил со тешки опекотини и сега се наоѓа на лечење во Германија. Случајот ја шокираше Русија и се смета дека станува збор за кулминација на внатрешните борби во руските културни институции.