Опозицискиот „Сојуз за иднината“ денеска одржа протест пред Министерството за труд и социјална политика, кое, како што велат, е уште еден пример каде институциите наместо во функција на граѓаните, се ставени во функција на партијата на власт. Тие обвинија дека власта нема одговор за големиот процент на невработеност кај младите кои заминуваат од државата, оти седум години не е решен проблемот со стечајците, оти им е скратен на 1,5 години надоместокот на лицата прогласени за технолошки вишок и за лошата состојба во социјалната политика. Министерот Спиро Ристовски одговори дека секој одговара пред граѓаните за она што го прави, бидејќи на крајот токму тие ќе оценат кој е во право и кој најдобро ги штити нивните интереси.
