Фудбалскиот интернационалец Дејвид Бекам за прв пат заигра за францускиот клуб Пари Сен Жермен каде што е на пет месечен ангажман. 37 годишниот поранешен капитен на Англиската репрезентација влезе во играта во 76 минута на натпреварот со Олимпик Марсеј. Тој учествуваше во акцијата на вториот гол за Пари Сен Жермен што го постигна Златан Ибрахимовиќ. На трибините на стадионот „Паркот на принцовите“ беше и поранешниот француски претседател Никола Саркози.
