Европската комисија го поддржува интегрирањето на Македонија во Европската унија, но важно е да се даде динамика на реформскиот процес, му порача евроамбасадорот Аиво Орав на новиот вицепремиер за европски прашања Фатмир Бесими. На денешната средба било потенцирано значењето во овој период да се покаже напредок кон започнувањето на преговорите со ЕУ, како и потребата сите релевантни фактори во државата да придонесат кон овој процес.
