Американскиот секретар за одбрана Леон Панета, на своите колеги од земјите членки на НАТО, им соопштил дека по 2014-та во Авганистан ќе останат меѓу 8 и 12 илјади американски војници. Ова денеска во Брисел го соопшти германскиот министер за одбрана Томас Де Мајцере. И генералниот секретар на НАТО Андерс Фог Расмусен изјави дека по 2014-та, мисијата на Алијансата во АВганистан ќе биде значително помала и оти ќе има регионален пристап за подршка и обука на авганситанските безбедносни сили.
