Околу 50 милијарди долари нелегално изнесени од Русија во 2012

Гувернерот на Народната банка на Русија Сергеј Игнатјев изјави дека скоро 50 милијарди долари, или околу два отсто од БДП-то, нелегално се изнесени од Русија во 2012 година. За рускиот бизнис неделник Ведомости, тој изјавил дека се чини оти половина од парите се префрлени на банкарски сметки во странство „од добро организирана група луѓе“, но не сакаше да ја идентификува групата. Игнатјев вели дека нелегалните трансфери на пари може да се за исплати за испорака на дрога, мито и поткуп на функционери, избегнување на плаќање данок и за други нелегални активности. Игнатјев е на чело на Банката на Русија 11 година, е треба да се пензионира во јуни годинава.