На покана на министерот за надворешни работи Никола Попоски утре во еднодневна официјална посета ќе престојува министерот за надворешни работи на Србија Иван Мркиќ. Се очекува македонскиот и српскиот шеф на дипломатијата на средбата да разговараат за билатерални односи, со акцент на можностите за продлабочување на соработката во доменот на економијата, енергетиката и транспортот, објави МИА. За време на престојот, српскиот министер Мркиќ ќе биде примен и од претседателот Ѓорге Иванов и од премиерот Никола Груевски.