Камери во притворите против малтретирање затвореници

Авганистанскиот претседател Хамид Карзаи нареди во објектите за испрашување да се постават камери, како мерка за превенција од тортура. Декретот уследува по владината истрага за извештајот на ОН во кој се наведува дека се злоставуваат затвореници и приведени луѓе – за време на апсењето и за време на испрашувањето. Во извештајот се наведува дека 326 од 635 анкетирани затвореници во земјата рекле дека биле малтретирани, меѓу нив и 80 малолетници.