Грчкиот министер за надворешни работи Димитрис Аврамопулос на 21 февруари во Њујорк ќе се сретне со генералниот секретар на ОН, Бан Ки-мун, јави дописникот на МИА од Атина. Аврамопулос и Бан ќе разговараат за кипарското прашање и за грчко-македонскиот спор за името, јавуваат грчките медиуми. Аврамопулос ќе престојува во Њујорк пред официјалната посета на Канада.