Повеќе од 2.500 поштенски службеници од цела Романија денеска протестираа во центарот на Букурешт поради начинот на реорганизација на државната компанија „Романска пошта“. Реорганизацијата предвидува и намалување на платите на вработените, како и откази. Демонстрантите скандираа „Крадци“ и „Оставка“, а носеа и транспарент „Поштата е на Романците!“. Акционери на „Романска пошта“ се Министерството за комуникации со 75 проценти и фондот „Сопственост“ со 25 отсто од акциите. Компанијата треба да биде приватизирана до средината на јуни.
