Демократскиот сојуз сè уште без одлука дали на локалните избори ќе настапат самостојно или во коалиција со ВМРО-ДПМНЕ. Централниот совет на партијата одлучи да почека да се услогласат со ВМРО-ДПМНЕ за да се донесе конечната одлука. За надминување на актуелната политичка криза, Демократскиот сојуз предлага одржување на лидерска средба во поширок состав на која ќе разговара и изгради консензус за формирање парламентарна анкетна комисија која ќе ги расветли сите аспекти сврзани со настаните на 24 декември, враќање на сите пратеници во Парламентот, учество на локалните избори како и за потребата од одржување на предвремени парламентарни избори.