Градоначалникот на градот Тимбукту во Мали изјави дека исламистичките бунтовници при повлекувањето од градот ја запалиле библиотеката во која имало збирка на антички ракописи. Градоначалникот Усман Хале-Сисе оцени дека тоа е катастрофа и дека изгореле илјадници антички ракописи од областа на културата, науката и географијата. Француските сили денеска соопштија дека ја презеле контролата врз аеродромот и главните патишта што водат до Тимбукту. Тие соопштија дека армијата на Мали ќе влезе во поранешното упориште на исламистите и дека целта е да се избегнат борби во градот заштитен како културно наследство од страна на УНЕСКО.