Американскиот претседател Барак Обама оцени дека одлуката на жените припаднички на војската да им се дозволи учество во воените мисии, претставува уште еден чекор во насока на изворните американски цели за праведност и еднаквост. Обама изрази уверување дека оваа, како и неодамнешната одлука за укинување на забраната војниците да се декларираат како хомосексуалци, само ќе ја зајакне војската на САД.
