Во Кабул денеска била нападната зградата на сообраќајната полиција и тоа најнапред имало самоубиствен бомбашки напад, потоа екплодирал автомобил бомба, по што имало и престрелка со напаѓачите. Претставник на полицијата во Кабул изјави дека група терористи се обиделе да влезат во зградата при што двајца од нив биле убиени, а еден успеал да се пробие. Дописникот на Радио Слободна Европа од Кабул јави дека во инцидентот биле убиени двајца полицајци, а 10 лица биле ранети. Одговорноста за нападот ја превзеле талибанците.
