Косовскиот министер за надворешни работи Енвер Хоџај смета дека состанокот на премиерите на Косово и Србија Хашим Тачи и Ивица Дачиќ на 17 јануари во Брисел ќе биде меѓу најважните средби, бидејќи во фокусот на разговорите ќе биде расформирањето на паралелните структури на северот, со што, како што рече, ќе почне новата реалност за северно Косово. Тој најави дека косовската Влада ќе излезе со агенда за социјален и економски развој на северот и додаде дека планот за реинтеграцијата на тој дел е всушност план на Марти Ахтисари.
