Во јужниот најнаселен дел на Австралија денеска биле регистрирани стотина пожари на чие гаснење се ангажирани неколку илјади пожарникари. Локалните власти предупредуваат дека ситуацијата би можело да се влоши со оглед на очекуваната температура од над 45 целзиусови степени и силниот ветар. На Тасманија се уште се трага по околу 100 лица кои исчезнале по пожарот кој избувнал во минатата недела.
